Ek kavi ki kahaani

Meri khwahishen kuch baaki hain,
Jeevan ek alpaviraam hai,
Kavi ka naam badnaam hai,
Jeevan mein mere liye bacha hi kya hai.

Log kisi aur par fida hain,
Haseenaye doosron ke baahon mein jaane ke liye bekraar hain,
Mera chota bhai mujhse behtar hai,
Jeevan mein mere liye bacha hi kya hai.

Meri maa mujhse naraaz hai,
Mere dost aapas mein kehte hain;
“arre chod yaar, who toh bekar hai.”
Jeevan mein mere liye bacha hi kya hai.

Lekin, sochne lagta hoon main, upar ek bhagwan hai,
Mere maathe par bhi uska haath hai,
Har ek ki andar ek bhagwan hai,
Jiska naam aatma-vishwas hai.

Mere haath kalam ki orr jaate hain,
Kaagaz ko chooker who likh jaate hain,
Log rukkar, padhkar, bole jaate hain…
“wah bhai wah, ye kya likhta hai…!”